•23.45
KAGEM BOPO
Saben awan ndrandang
Aku ora bisa ngitungi lintang
Ing mongso rendheng
Aku bisa mbendung udan timbreng
Nanging bopo. . . .
Aku ora bisa ngukur tresnamu
Tresna kang kadya sunare rembulan ing pojoking atiku
Kang tansah madangi lakuku tumekan pati
selawe taon kapungkur
Ing sawijining dina
Aku kudu kelangan ndika
Bopo ndika kudu bali ing Ngarsani Gusti
Kembeng kembeng waspaku
Saben aku sujud sinembah marang Gustiku
Eluh tumetes kadya iline banyu
Rasa panalangsaku nora bisa dak gurit
bopo. . . .
Tanpa ndika aku kaya wong bingung
linglung
Atiku suwung
Bopo . . . .
Dak tulis gurit lungit sumingit kagem ndika
Minangka bekti tresna asih kawula
Saben awan ndrandang
Aku ora bisa ngitungi lintang
Ing mongso rendheng
Aku bisa mbendung udan timbreng
Nanging bopo. . . .
Aku ora bisa ngukur tresnamu
Tresna kang kadya sunare rembulan ing pojoking atiku
Kang tansah madangi lakuku tumekan pati
selawe taon kapungkur
Ing sawijining dina
Aku kudu kelangan ndika
Bopo ndika kudu bali ing Ngarsani Gusti
Kembeng kembeng waspaku
Saben aku sujud sinembah marang Gustiku
Eluh tumetes kadya iline banyu
Rasa panalangsaku nora bisa dak gurit
bopo. . . .
Tanpa ndika aku kaya wong bingung
linglung
Atiku suwung
Bopo . . . .
Dak tulis gurit lungit sumingit kagem ndika
Minangka bekti tresna asih kawula